Close
Fakultetda o‘quv mashg‘ulotlari 2 smenada tashkil etilgan. O‘quv-auditoriyalar soni 15 ta. Fakultetda o‘quv jarayonini hozirgi zamon talablari doirasida tashkil etishda o‘quv auditoriyalari va o‘qitishning texnik vositalari etarlicha. SHuningdek, professor-o‘qituvchilar tomonidan fanlar kesimida syllabus va fan dasturlari yaratilgan. Qo‘shimcha ravishda ko‘rgazmali vositalar, didaktik materiallar, videoroliklar yaratilgan. Fakultetda 1 ta kompyuter sinfi, 4 ta videoproektor, 4 ta elektron doska mavjud.
Fakultetning 2020 yilda bitiruvchi kurs talabalari 283 nafar bo’’lib, shundan magistr-31, sirtqi-31, ikkinchi oliy-33, kunduzgi-188 nafar.fakultetda hozirgi vaqtda jami 1630 nafar talaba tahsil olmoqda. Shundan 827 nafar talaba kunduzgi bakalavr, 14 nafar magistr, sirtqi ta’lim shaklda 803 nafar.
Fakultetda 3 ta ta’lim yo’nalishi mavjud;
Fakultetda 3 kafedra mavjud;
Fakultetning “Ijtimoiy fanlar” kafedrasi tashabbusi bilan “Zamonaviy oliy ta’lim tizimi: muammo va yechimlar” mavzusida xalqaro ilmiy konferensiya o’tkazildi. Anjuman O‘zbekiston Respublikasi Vazirlar Mahkamasining 2022-yil 7-martdagi farmoyishi asosida tashkil etildi.
Tarix fakultetida yoshlar bilan ishlash va ma’naviy-ma’rifiy sohadagi olib borilayotgan faoliyat O‘zbekiston Respublikasi Prezidentining 2017 yil 28 iyuldagi “Ma’naviy-ma’rifiy ishlar samaradorligini oshirish va sohani rivojlantirishning yangi bosqichga ko‘tarish to‘g‘risida”gi PQ-3160-sonli, 2018 yil 5 iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-sonli hamda 2019 yil 3 mayda qabul qilingan “Ma’naviy-ma’rifiy ishlar samaradorligini oshirish bo‘yicha qo‘shimcha chora-tadbirlar to‘g‘risida”gi PQ-4307-sonli Qarorlaridan kelib chiqib institutda mazkur o‘quv yili uchun ishlab chiqilgan yillik ish reja, fakultetning tuzilgan yillik ish rejasi asosida yo‘lga qo‘yilgan. O‘zbekiston Respublikasi Prezidentining 2018 yil 5 iyundagi “Oliy ta’lim muassasalarida ta’lim sifatini oshirish va ularning mamlakatda amalga oshirilayotgan keng qamrovli islohotlarda faol ishtirokini ta’minlash bo‘yicha qo‘shimcha chora-tadbirlar to‘g‘risida”gi PQ-3775-sonli Qarorining ahamiyatli tomoni shundaki, bu muhim hujjat faoliyatimizning asosiy yo‘nalishini belgilab beradi, unda oliy ta’lim muassasalarida ma’naviy-ma’rifiy ishlar bo‘yicha prorektor lavozimi yoshlar bilan ishlash bo‘yicha prorektor, ma’naviy-ma’rifiy ishlar bo‘yicha dekan o‘rinbosari lavozimi esa yoshlar bilan ishlash bo‘yicha dekan o‘rinbosari deb yuritilishi ta’kidlangan.
Fakultet professor-o‘qituvchilari viloyat shahar va tumanlaridagi mahallalarda, ta’lim va sog‘liqni saqlash muassasalari, tashkilot va idoralar hamda harbiy qismlarda Prezidentimiz va hukumatimiz tomonidan chiqarilayotgan Farmon va qarorlarning mazmun-mohiyatini keng aholiga etkazish maqsadida targ‘ibot-tashviqot tadbirlarini olib borishga rejali jalb qilingan. O‘tgan davr mobaynida professor-o‘qituvchilar joylarda 200 dan ziyod ma’naviy-ma’rifiy tadbirlarda dolzarb mavzular bilan ishtirok etganlar.
Ushbu fakultetda kundusgi va sirtqi ta’lim shaklida 31 ta akademik guruh mavjud bo‘lib, 1-3 kurs talabalariga tyutorlar, 4-kurslarga esa fakultetning professor-o‘qituvchilaridan murabbiy etib tayinlangan. SHuningdek, fakultetda xotin qizlar bo’yicha dekan maslahatchisi, va YOshlar ittifoqi boshlang‘ich tashkiloti ham talabalar bilan muntazam ma’naviy-ma’rifiy tadbirlar, kechalar, uchrashuvlar o‘tkazib kelmoqda. Bundan tashqari professor-o‘qituvchilari viloyat miqyosidagi korxona, tashkilot va muassasalarda jamiyatimizda ro‘y berayotgan ijtimoiy-iqtisodiy va siyosiy va ma’naviy sohadagi islohotlarning mohiyatini targ‘ib etish maqsadida ma’ruzalar o‘qib kelmoqda.
Talaba-yoshlarning bo‘sh vaqtlarini mazmunli o‘tkazish maqsadida fakultetdagi “Tarix o‘qitish metodikasi”, “Milliy g‘oya, ma’naviyat asoslari va huquq ta’limi” hamda “Ijtimoiy fanlar” kafedralarida qoshida fan to‘garaklari mavjud. “Tarix” kafedrasida “Tarixchi” (a’zolari soni 102 nafar), “ Yosh manbashunoslar” (a’zolari 68 nafar) “Milliy g‘oya, ma’naviyat asoslari va huquq ta’limi” kafedrasi qoshida “Yosh huquqshunos” (a’zolari soni 44 nafar), “Ma’naviyat targ‘ibotchisi” (a’zolari soni 30 nafar), “Ijtimoiy fanlar” kafedrasi qoshida “Yosh faylasuflar” (a’zolari soni 34 nafar) kabi ilmiy to‘garaklar faoliyat olib bormoqda.
