Matematika kafedrasi

Kafedra haqida.

O’zbekiston Respublikasining dunyo hamjamiyati bilan bevosita aloqalari rivojlanayotgan hozirgi davrda buyuk kelajagimizning davomchilari bo’lmish yosh avlodga, jumladan, oliy ta’lim muassasasi talabalariga matematika fanidan bilim, ko’nikma va malakalar hosil qilish, ularning bilish faolligini oshirish, buning uchun matematika fani o’qituvchilari malakasini ilg’or, zamonaviy pedagogik texnologiyalar asosida oshirish vazifasi qo’yildi.

 “Matematika o’qitish metodikasi” kafedrasi tarixi:

“Matematika o`qitish metodikasi” kafedrasi 1992 yil 15 aprelda “Matematik analiz va informatika” kafedrasi bazasida tashkil qilingan bo’lib, unga 1992–1997 yillarda t.f.n.O.O.Suvonov, 1997–2001 yillarda dots. A.Hakimov, 2001–2006 yillarda dots.M.J.Uluqnazarov,  2006–2012 yillarda f.-m.f.n. E.A.Chuliyev, 2012-2019 yillarda  f.-m.f.d., prof. S.A.Imomkulov rahbarlik qilishgan. 2019 yildan boshlab kafedrani f.-m.f.n S.X.Abjalilov boshqarmoqda.Kafedrada jami 30 ta a’zo bo’lib, shundan 1 nafari Phd, 5 nafari fan nomzodi, 7 nafari katta o’qituvchi va 17 nafari o’qituvchilardir. Kafedra a’zolari “Matematika fanlarini o’qitishda yangi pedagogik texnologiyalarini qo’llash” mavzusida ilmiy metodik ish olib bormoqdalar. Ilmiy – metodik ishlar natijasi keyingi uch yilda chop etilgan 60 dan ortiq maqola, tezislar hamda 10 dan ortiq uslubiy qo’llanmalarda o’z aksini topgan.Kafedramizning katta o’qituvchisi Ashurova D.N. “Algebra va sonlar nazariyasi fanidan dasturiy didaktik majmua yaratish va dars samaradorligini oshirish metodikasi”  mavzularidagi dissertatsiya ishlarini  himoya qilib,PhD darajasini oldi. Ayni vaqtda kafedraning o`qituvchilaridan ikki nafari, Ibodullayeva Nafisa va Sobirov Jasurlar Navoiy Davlat Pedagogika instituti qoshidagi tayanch doktoranturada tahsil olmoqda.Kafedrada dots.Abjalilov S.X. rahbarligida “Matematika fanlarini o’qitishda yangi pedagogik texnologiyalarini qo’llash” mavzusida ilmiy seminar tashkil qilingan.Kafedrada o`quv-uslubiy, ilmiy-tadqiqot, ma`naviy-ma`rifiy va tarbiyaviy hamda tadbirkorlik ishlarini talab darajasida amalga oshirish maqsadida kafedrada quyidagi professor-o`qituvchilar o’zlarining mehnatlarini ayamasdan  ishlab kelmoqdalar. dotsentlar: Abjalilov S.X., Hakimov A., Uluqnazarov M.J., Jalilov A.A., Cho`liyev E.A., Ashurova.D.N., katta o`qituvchilar: Norchayev T.Yu., Shotemirov Y.S., Fayziyev M.Sh., Muzaffarova L.M., Jumayev S.S., Do`stov S.T., Abdurahmonov G`.E., o`qituvchilar: Tursunova E.M., Eshpo`latov B.X., Qodirova Sh., Shodiyev Sh.Sh., Majidov Sh.A., Norchayev R.T., Sayfullayeva G.S., Turlibayeva G.M., Djumanazarova N.M., Begmurodov O.A., Jumayeva N.F., Mansurov D.R., Ergashova Sh.H., Boymurodov J.H., Axmadov I.A., G`offorova D.Sh., Ashurova G.Sh.lar faoliyat ko`rsatib kelmoqdalar.Kafedraning yetakchi mutaxassislari talabalarning dunyoqarashini o`stirishga, fikrlash doirasini kengaytirishga, dunyoviy ilmlar bilan qurollanishga  o`zlarining munosib ulushlarini qo`shish bilan cheklanib qolmasdan, kafedraning yosh o`qituvchilariga yaqindan ilmiy, uslubiy va amaliy yordam ko`rsatib kelishmoqda.Iqtidorli talabalarni ilmiy anjumanlarga jalb qilish yaxshi olib borilmoqda.  2018-yil 13-27 oktabr kunlarida “Matematika o‘qitish metodikasi” kafedrasi mudiri prof.S.A.Imomkulov, shu kafedra doktaranti Ibodullaeva Nafisa va “Matematika o‘qitish metodikasi” yo‘nalishi 4-bosqich talabasi Akramov Nurali Rossiya federatsiyasi Boshkirdiston Davlat universitetiga ularning taklifnomasiga asosan ilmiy safarda bo‘ldilar.Ikki haftalik safar mobaynida prof.S.A.Imomkulov  Boshkirdiston Davlat universitetining Matematika fakultetining ilmiy seminarida ma’ruza o‘qidi, bundan tashqari fakultetning 2-bosqich Magistratura talabalari uchun “Subgarmonik funksiyalar va potensiallar nazariyasi” mavzusida ma’ruza o‘qidi. 3-kurs talabalari uchun “Haqiqiy o‘zgaruvchining funksiyalar nazariyasi” fanida “Ko‘p o‘zgaruvchining funksiyalari uzluksizligi” mavzusida ma’ruza o‘qidi va shu mavzu yuzasidan amaliy mashg‘ulot o‘tdi. Doktarant Ibodullaeva Nafisa va 4-kurs talabasi Akramov Nurali 16-20 oktabrlarda o‘tkazilgan Fundamental matematika bo‘yicha doktorantlar, magistr talabalar orasida o‘tkazilgan ilmiy konferensiyaga yaxshi ishtirok etdilar. Natijada Ibodullaeva Nafisa va Akromov Nuralining ma’ruzalari 1-2-darajali diploma bilan taqdirlanishdi. Qolgan kunlarda Boshqirdiston Davlat Universitetining taniqli olimlari ma’ruzasini tingladilar. Kafedra hozirgi kunda Respublikamizning yetakchi oliy o’quv yurtlaridan  Nizomiy nomli Toshkent davlat pedagogika universiteti,  Jizzax davlat pedagogika instituti, Samarqand Davlat Universiteti, Buxoro davlat universitetlari bilan yaqindan ilmiy aloqalar o`rnatgan.  Kafedra a’zolarining safi yosh, iqtidorli, ilmga chanqoq magistrlar bilan  kengayib bormoqda. Kafedra dotsentlari: Jalilov Anvar Abdullayevich, Abjalilov Sanaqul Xo`jamovich, katta o`qituvchi Shotemirov Yo`ldosh Safarovich o`qituvchilar:  Shodiyev Sherzod Shomamatovich, Jumayeva Nilufar Farmonovna,Toshtemirova Kamola Ergashevna, Tursunova E’tibor Mo’minovna, Eshpo’latov Bobur Xudoyberdiyevich, Sayfullayeva Gulnoz Sayfullayevnalar  ikki oylik malaka oshirish kurslarini muvaffaqiyatli yakunlab qaytgan bo`lsalar, joriy o`quv yilida o`qituvchilar Turlibayeva Guljanna Muratovna, Begmurodov Otabek va Norchayev Rustam Tojinorovichlar ham bir oylik malaka oshirish kurslarini muvaffaqiyatli yakunlab qaytdilar.Kafedra professor-o’qituvchilari hamkorlik dasturi asosida viloyatimizning umumta’lim maktablari, akademik litseylari bilan shartnomalar tuzib, shu asosda seminar-treninglar, “Mahorat maktablari” tashkil qilib kelmoqdalar. Bunday hamkorlik albatta o’z samarasini bermasdan qolmaydi.