Prezidentimizning “Biz bir bo‘lsak – yagona xalqmiz, birlashsak – Vatanmiz!” degan ezgu da’vatlari asosida institutimizda turli tadbirlar o‘tkazib kelinmoqda. Barcha binolarlarda bo‘lgani kabi “Fizika-texnologiya” va “Matematika-informatika” fakultetlarida ham bayram hamda yangi o‘quv yiliga tayyorgarlik ishlari olib borilmoqda.
Yoshlarimiz qalbida milliy yuksalishga chorlovchi milliy g‘ururni shakllantirish, vatanparvarlik tuyg‘usini yanada kuchaytirish, milliy urf-odatlarimiz, an’ana va qadriyatlarimizga bo‘lgan cheksiz hurmatni yanada mustahkamlashni ko‘zda tutadigan tadbirlarni tashkil etib borish, dekanatlarning kunlik ish rejasiga kiritilgan.