Zarafshon shahar hokimi Anvar Radjabov, shahar hokimi oʻrinbosari Obid Hakimov, Navoiy davlat pedagogika instituti mutasaddilari hamda tegishli korxona va tashkilot rahbarlari Quruvchi mahalla fuqarolar yigʻinida boʻlib, hududda tashkil etilishi koʻzda tutilgan Navoiy davlat Pedagogika instituti pedagogika fakulteti binosining rekonstruksiya ishlari bilan tanishdi.
Fakultet binosida barcha zarur shart-sharoitlar yaratilgandan soʻng oʻquv faoliyatini tashkil etish boʻyicha boshqaruv va ishchi xodimlar tarkibi belgilangan shtat jadvallari asosida shakllantiriladi. Joriy yilda mazkur pedagogika fakulteti ochilishi rejalashtirilgan.
