Insoniyat paydo boʻlibdiki u har doim oʻzini boqishga, ehtiyojlarini qondirishga harakat qilgan va hozirda ham shu yoʻldan bormoqda. Inson oʻz ehtiyojlarini eng avvalo oziq – ovqat, boshpana, kiyim – kechaklarga boʻlgan ehtiyojlarni qondirishdan boshlagan. Keyinchalik yangi sivilizatsiyalar paydo boʻlgach, yaʼni insoniyat madaniyatlashib borgan sari oʻz ehtiyojlariga kerak boʻlgan maxsulotlarni ishlab chiqara boshlagan. Institutning Fizika va texnologik taʼlim fakultetida tashkil etilgan “Tikuvchilik” toʻgaragida yoshlarga bichish-tikish sirlari oʻrgatilmoqda. Talaba qizlarning bu sohaga qiziqishlari katta, shuning uchun toʻgrak aʼzolarining soni kundan-kunga koʻpayib bormoqda.
