Erta tongdan buyuk adib va mutafakkir, oʻzbek adabiy tilining asoschisi Alisher Navoiy haykali poyiga gul qoʻyish marosimi boʻlib oʻtdi. Marosimda Navoiy davlat pedagogika instituti rahbariyati, boʻlim (boshqarma) boshliqlari, dekanlar, dekan muovinlari, professor-oʻqituvchilar hamda talabalar ishtirok etdi. Shoir Erkin Vohidov taʼbiri bilan aytganda: “Men oʻzbekman degan har bir inson oʻzbek tili uchun qaygʻurmogʻi kerak. Til yolgʻiz mutaxassislarning mulki, xususiy tomorqasi emas, uni boyitish, goʻzal qilish, xas-xashaklardan tozalash, unutilgan, maʼnosi oʻzgargan soʻzlarni tiklash hammaning ishi”.
