Respublika oliy taʼlim muassasalari talabalari (qizlar) oʻrtasida qo‘l to‘pi (gandbol) bo‘yicha bo‘lib o‘tgan “Universiada-2024” sport musobaqasi taqdirlash marosimi o‘tkazildi.Taqdirlash marosimida Navoiy davlat universiteti rektori Muxiddin Kalonov, Oliy taʼlim, fan va innovatsiyalar boshqarmasi boshlig’i F.To‘xtayev, Sport boshqarmasi boshlig’i J.Murtazoyev va boshqa mas’ullar, talabalar, professor-o‘qituvchilar ishtirok etdilar. Tadbirda soʻz olgan oliygoh rektori ushbu musobaqa jismoniy va maʼnaviy barkamol avlodni tarbiyalashda muhim ahamiyatga ega ekanligini alohida taʼkidlab, barcha ishtirokchilarga o‘zining eng ezgu tilaklarini yo‘lladi.
Yakuniy natijalarga ko‘ra, 1-o‘rinni Urganch davlat pedagogika instituti (Xorazm viloyati), 2-oʻrinni Navoiy davlat universiteti (Navoiy viloyati) hamda 3-o‘rinni Namangan davlat universiteti (Namangan viloyati) qo‘lga kiritdi. Faxrli birinchi o‘rinni olgan har bir sportchiga tashkilotchilar tomonidan televizor, 2- va 3-o‘rinlarni qo‘lga kiritgan jamoalarga sport formalari, diplom va medallar topshirildi.
