Close
“Tarix oʻqitish metodikasi” kafedrasi Oʻzbekiston Respublikasi Xalq ta’limi vazirligining 2015 yil 28-fevraldagi “Xalq ta’limi vazirligi tasarrufidagi davlat pedagogika institutlarining tashkiliy tuzilmalarini tasdiqlash toʻgʻrisida”gi 52-sonli buyrugʻi va Navoiy davlat pedagogika instituti rektorining 2015 yil 28-fevraldagi 74 AFO-buyrugʻi ijrosini ta’minlash maqsadida institutning Tarix fakultetida faoliyat yuritgan “Oʻzbekiston tarixi” va “Umumiy tarix” kafedralarining birlashtirilishi negizida tashkil etilgan. Kafedra 2022 yildan “Tarix” kafedrasi deb qayta nomlandi. Kafedraga 2015 yil 28-fevraldan t.f.n. X.R.Qurbonov, 2015 yil 26-avgustdan t.f.n., dotsent R.M.Qarshiyev rahbarlik qilgan. 2018 yil 27-avgustdan t.f.d., dotsent A.M.Aminova kafedra mudiri lavozimida faoliyat yuritib kelmoqda.
“Tarix” kafedrasida 2024-2025 oʻquv yilida 42 nafar professor-o‘qituvchilardan 27 nafari – asosiy shtatda, 11 nafari ichki o‘rindoshlik asosida va 4 nafari tashqi o‘rindoshlik asosida ishlab kelmoqda. Ularning 1 nafari professor, 8 nafari dotsent, 6 nafari tarix fanlari bo‘yicha falsafa doktori (PhD), 2 nafari falsafa fanlari bo‘yicha falsafa doktori (PhD), 6 nafari katta o‘qituvchi va 19 nafari o‘qituvchi sifatida talabalarga ta’lim berib kelmoqda. Kafedra professor-oʻqituvchilarining 41 foizini ayollar tashkil qiladi.
2024-2025 oʻquv yilida kafedra professor-oʻqituvchilari tomonidan 60111100 – “Tarix”, 60111100 – “Tarix, qoʻshimcha davlat huquqi”, 5110600 – “Tarix” ta’lim yoʻnalishlari bakalavriat va 701101101– “Ijtimoiy-gumanitar fanlarni oʻqitish metodikasi (Tarix)” mutaxassisligi boʻyicha magistratura talabalariga 27 ta fandan ta’lim berilmoqda.
2024-2025 o‘quv yilida “Tarix” kafedrasi professor-oʻqituvchilarining ilmiy salohiyati 41 % ni tashkil etib, ular tomonidan 1 ta – Scopus; 5 ta – Web of Science; 17 ta – Impakt faktori yuqori bo‘lgan ilmiy jurnallarda; 26 ta – OAK tasarrufidagi jurnallarida, 123 ta – xalqaro va respublika konferensiyalarida ilmiy maqola va tezislari chop etildi. T.f.d. (DSc) A.Aminova tomonidan “История экономических преобразований в Узбекистане в 1991-2021 гг. (на примере областей низовья Зарафшана)” nomli monografiya nashr etildi. Kafedrada faoliyat olib borayotgan 7 nafar professor-oʻqituvchilarning maqolalari “Xirsh” indeksi (H-index)da yuqori koʻrsatkichlarda indeksatsiyalangan.
