Close
Rus va qozoq filologiyasi fakulteti 2021-yilda “Chet tillar” fakulteti negizida tashkil etilgan boʻlib, institutdagi eng faol va oʻz oʻrniga ega fakultetlardan biri hisoblanadi. 2022-yil 5 noyabrdan boshlab Chet tillar fakulteti “Rus va qozoq filologiyasi” fakulteti deb nomlanadi. Rus va qozoq filologiyasi fakulteti dotsent, D.M. Shamsiyeva boshaqarib kelmoqda.
Fakultet binosining umumiy sig‘imi 400 o‘rinli bo‘lib, o‘quv mashg‘ulotlari 2 smenada tashkil etilgan. O‘quv-auditoriyalari soni 12 ta. Fakultetda o‘quv jarayonini hozirgi zamon talablari doirasida tashkil etishda o‘quv auditoriyalari va o‘qitishning zamonaviy texnik, vositalari etarlicha. Shuningdek, professor-o‘qituvchilar tomonidan fanlar kesimida o‘quv-uslubiy majmualar yaratilgan. Qo‘shimcha ravishda ko‘rgazmali vositalar, didaktik materiallar, videoroliklar yaratilgan. Jumladan, 4 ta videoproektor, 4 ta elektron doska mavjud. Namunaviy o‘quv reja va namunaviy fan dasturlari asosida ta’lim yo‘nalishlari uchun adabiyotlar mavjud.
Ilmiy-tadqiqot mavzularini tasdiqlangan professor-o‘qituvchilar.
1.Oxirgi besh yillikda Rus tili va adabiyoti kafedrasi professor-o‘qituvchilaridan D.M.Shamsiyeva, N.M Ibragimova, M.G. Aripova, Z.M.Ruziyeva, F.B.Mardonova, Qozoq tili va adabiyoti kafedrasi katta o`qituvchisi L.Berdimuratovalar falsafa doktorligi (PhD) dissertatsiyasini himoya qildilar. 2023 yilda Rus tili va adabiyoti dotsenti A.X.Raxmanova doktorlik dissertatsiyasini himoya qildi.
2.Hozirgi kunda fakultetda 36 nafar professor-o`qituvchilar faoliyat yuritadi. Shundan 1 nafar professor, 9 nafar dotsent ilmiy unvoniga ega. Fakultet kafedralarida oxirgi 3 yilda 2 ta darslik, 17 ta o`quv va o`quv-uslubiy qo`llanmalar, 8 ta monografiya, shuningdek 87 dan ortiq xorijiy maqolalar, OAK e’tirof etgan mahalliy jurnallarda 58 dan ortiq maqolalar chop etilgan.
Fakultetda ma’naviy-ma’rifiy ishlar rejasi mavjud bo‘lib, institut Yoshlar bilan ishlash bo‘yicha prorektor tomonidan tasdiqlangan shu asosida tyutor-murabbiylar tomonidan “Axborot va murabbiylik” soatlarini namunali tashkil etilgan.Bundan tashqari, ko‘plab tadbirlar tashkil qilingan. Jumladan, O‘zbekiston Respublikasining Mustaqillik kuniga, “1-oktyabr – O‘qituvchi va murabbiylar” kuniga, O‘zbekiston Respublikasi Konstitutsiyasi kuniga, “14 yanvar vatan himoyachilari kuni”, “8-mart Xalqaro xotin-qizlar” bayramiga, Ota-onalar bilan o‘tkazilgan yig‘ilishlar, Navoiy viloyati va shahri IIB xodimlari bilan muntazam hamkorlikda “Diniy ekstremizm va terrorizm-yoshlar kelajagiga tahdid”, “Korrupsiyasiz-ta’lim”, tibbiyot xodimlari bilan hamkorlikda “Sog‘lom – turmush tarziga amal qilaylik”, “Giyohvandlik umr-zavoli”, “Grippdan ehtiyot bo‘ling” mavzusida, “Quvnoqlar va zukkolar”, “Zakovat” intellektual o‘yinlari, “Talabalar teatri” sport tadbirlari va boshqa bir qator tadbirlar tashkil etilgan va fakultet talaba-yoshlari va professor-o‘qituvchilari faol ishtirok etishgan.
Muhtaram Prezidentimiz Mirziyoev Shavkat Miromonovich tomonidan ilgari surilgan “Yoshlar ma’naviyatini yuksaltirish va ularning bo‘sh vaqtlarini mazmunli tashkil etish bo‘yicha 5 ta muhim tashabbus” ijrosini ta’minlash maqsadida fakultetda, kitobxonlikni targ‘ib qilish, kompyuter texnalogiyalaridan keng foydalanish, sport, musiqa va san’atning boshqa turlaridan keng foydalangan holda turli xil tanlovlar, tadbirlar muntazam ravishda o‘tkazilmoqda. Hozirda fakultetda 1027 nafar talaba tahsil oladi, shulardan 87 nafari talabalar turar joyida yashaydi, 356 nafari ijarada yashaydi, 543 nafari o‘z uyida, 41 nafari qarindoshinikida istiqomat qiladi. Rus va qozoq filologiyasi fakultetida 1 nafar chet el fuqarolari ham tahsil oladilar, Institut ma’muriyati tomonidan belgilangan reja asosida talabalar yotoqxonasida va o‘quv binosida kecha-kunduz navbatchiliklar tashkil qilingan.
Ijarada yashayotgan talabalar ahvolidan doimiy ravishda xabardor bo‘lib turiladi, ijara manzillari, albomlar tayyorlanib, institut “Ma’naviyat va ma’rifat” bo‘limiga taqdim qilingan. Rus va qozoq filologiyasi fakultetida talabalar o‘rtasida ijtimoiy-ma’naviy muhit va tartib intizom yaxshi yo‘lga qo‘yilgan.
