Imom Buxoriy xalqaro ilmiy-tadqiqot markazi va Navoiy davlat pedagogika instituti hamkorligida “Fanning zamonaviy tendensiyalari” mavzuida ilmiy seminar oʻtkazdi. Unda Imom Buxoriy xalqaro ilmiy-tadqiqot markazi direktori bosh maslahatchisi, professor Baxtiyor Toʻrayev, Ijtimoiy fanlar kafedrasi mudiri, professor Nigora Safarova va boshqa ishtirokchilar zamonaviy fan tizimida falsafiy tafakkurning mohiyatini ochib berishdi. Bunda raqamli jamiyatda sunʼiy intellekt, texnik va texnologik jarayonlarning tezkor rivojlanishida inson intellekti va uning adaptatsiyasini oʻrganishda sinergetik metodologiyaning muhimligi asoslandi.
Shuningdek, chiziqli va nochiziqli rivojlanish, hamda xaos holatida tizimning shakllanishi xususidagi konsepsiyalar haqida fikrlar almashinildi. Seminarda doktorantlar, mustaqil tadqiqotchilar ishtirok etishdi.
