Bizning zaminda azal-azaldan otga insonning sodiq hamrohi sifatida munosabatda boʻlingan. Shu bois, toʻylar koʻpkarisiz oʻtmagan, ot sporti yaxshi rivojlangan. Bugun ham xalqimizning otga mehri boʻlakcha. Keyingi yillarda davlatimiz rahbari tomonidan ot sportini ommalashtirishga alohida eʼtibor qaratilayotgani ham bejiz emas. Zero, otlarda Allohdan ato etilgan aql, chiroy hamda sirli inoyat bor, deyishadi. Yoshlarni ot sportiga jalb qilish, oʻgʻil-qizlarni sport maktabidagi otlar bilan tanishtirib, qiziqishini yanada oshirish maqsadida «Sport bizni birlashtiradi»shiori ostida NavDU Matematika-informatika fakulteti talabalari bilan birgalikda Navoiy viloyat milliy gvardiya qoshidagi «Chavandozlar maktabi»ga sayohat tashkil etildi.
