Vaqt shiddatini qarangki, ko‘z ochib yumguncha to‘rt fasl almashib, 2024-yilning ostonasida turibmiz. Eski yil umrimizning yana bir bo‘lagini o‘zi bilan tarix qatlariga olib ketmoqda. Hozir yangi orzu-maqsadlar, yangi rejalar tuziladigan damlar. Zero orzu – ruhning qamchisi, xayol esa ulovi. Intiqib kutiladigan bayramda albatta ko‘zlangan marrra va niyatlar ham yangilanadi.
Yangi yil arafasida hamma joyda bayram kayfiyati hukmron, shahar ko‘chalari, maydon va xiyobonlar, mahallalar ertaknamo tusga kirgan, turfa ranglar shulasi qalblarga ko‘chgan. Yangi yil – bu barcha intiqib kutadigan bayramlardan biri. Har yili hamma mamlakatlarda ushbu shodiyona xush kayfiyatda nishonlanadi. Navoiy davlat universiteti Matematika-informatika fakultetida ham bugun ana shunday ko’tarinki ruhda «Yangi yil-yangi yutuqlar bilan» nomli tadbir bo‘lib o‘tdi.Talabalar tomonidan ijro etilgan sheʼrlar,musiqiy chiqishlar, shuningdek, epchillar va chaqqonlar jamoalarining o’zaro bellashuvlari asosida tashkil etilgan ushbu bayram yig’ilganlarga xush kayfiyat bag’ishladi. Yakunida tadbirda ishtirok etgan talabalar kutubxonachilar tomonidan minnatdorchilik sifatida esdalik sovg‘alar bilan taqdirlandi.
