“Mexrli qo‘llardan – mehribon yurakchalarga” shiori ostida NavDU San’atshunoslik fakulteti jamoasi Karmana tumanidagi Alohida taʼlim ehtiyojlari bo‘lgan kar bolalar uchun ixtisoslashtirilgan 25-sonli maktab-internati faollar zalida yangi yil bayramiga bag‘ishlab xayriya aksiyasi tashkil etdilar. «Bir kishining qalbini quvontirsang, bu dunyo sen uchun gulshan bo‘ladi.»
Tadbir davomida Maxsus pedagogika (logopediya) ta’lim yo‘nalishi talabalarining ijodiy ishlanmasi asosida sahnalashtirilgan “Yangi yil – baxt olib kel” nomli ertak tomoshasi bolajonlar e’tiboriga havola etildi. Shuningdek, fakultet talabalarining kuy-qo‘shiqlari va raqslari barchaga bayramona kayfiyat ulashdi. Tadbir davomida bolajonlar mehr va e’tibor bilan o‘rab olindi, yuzlarida esa unutilmas tabassumlar uyg‘ondi. Muassasa rahbariyati bilan bu kabi xayriya tadbirlarini muntazam o‘tkazishga kelishib olindi. Birgalikda yaxshilik va mehr ulashamiz!
