Joriy yilning 4-dekabr kuni NavDU talaba qizlari o‘rtasida “To‘maris izdoshlari” deb nomlangan ko‘rik tanlov bo‘lib o‘tdi. Ushbu ko‘rik tanlovning asosiy maqsadi, xotin-qizlarni Vatanimiz, xalqimiz, milliy qadriyatlarimiz, tarixiy-ma’naviy merosimizga hurmat va sadoqat ruhida tarbiyalash, dunyoqarashi va fikrlash doirasini kengaytirish, ijodiy salohiyatini oshirish, ma’naviy barkamol shaxs bo‘lib voyaga yetishlarida ko‘maklashish, sog‘lom turmush tarzini targ‘ib etish, faolligi va tashabbuskorligini qo‘llab-quvvatlash, iqtidorli, ijodkor yoshlarni rag‘batlantirish, ularning o‘z aql-zakovatini namoyon etishlariga ko‘maklashish va o‘zaro sog‘lom raqobatni shakllantirish, jamiyatda ayollarning ijtimoiy faolligini oshirish hamda xotin-qizlar manfaatlari bilan bog‘liq ijtimoiy-iqtisodiy, siyosiy-huquqiy masalalarini tizimli yo‘lga qo‘yish va munosib rag‘batlantirishdan iboratdir. Mazkur bellashuvda hakamlar hay’ati tomonidan talaba-qizlarning sohaga oid bilimlari, bilim darajasi hamda tezkorlik, zukkolik va chaqqonliklari munosib baholandi. Tanlov yakunlariga ko‘ra “Fizika-texnologiya” fakulteti qizlar g‘oliblikni qo‘lga kiritdi. Ko‘rik tanlov yakunida g‘oliblar rahbariyat tomonidan diplom va esdalik sovg‘alar bilan munosib taqdirlandilar.
