Joriy yilning 13-14-dekabr kunlari Samarqand davlat Tibbiyot universitetida xalqaro olimpiada bo‘lib o‘tdi. Unda yurtimizdagi tibbiyot sohasi bo‘yicha ta’lim beruvchi oliy ta’lim muassasalari hamda Germaniya, Malayziya, Qozog‘iston, Qirg‘iziston, Tojikiston, Rossiya, Turkiya, Ozarbayjon, Ukraina, Belorus, Janubiy Koreya kabi 20 ga yaqin chet davlatlardan 700 dan ziyod talabalar, professor-o‘qituvchilar, xorijiy OTMlari rektorlari ishtirok etdi.
Ushbu olimpiadada Navoiy davlat universiteti Tibbiyot fakulteti dekani G‘ulom Aslanov va “Umumiy tibbiy fanlar kafedrasi” katta o‘qituvchisi Shuxrat Turdiyev, fakultetning 8 nafar iqtidorli talabalari ham munosib qatnashdi. Yuqori saviyada o‘tkazilgan Xalqaro olimpiadada, “Davolash ishi” yo‘nalishi 4-bosqich talabasi Zoyirova Shahzoda Sunnatullo qizi Endokrinologiya fanidan faxrli 2-o‘rinni, “Pediatriya ishi” yo‘nalishi 4-bosqich talabasi Xamidova Dinoraxon Farmakologiya fanidan 2-o‘rinni, “Pediatriya ishi” yo‘nalishi 2-bosqich talabasi Djamolova Nazokat Lotin tili va tibbiy termenologiya fanidan faxrli 3-o‘rinni egallaashdi.
Qolgan talabalar ham faol qatnashib, sertifikat bilan taqdirlandilar.
