Navoiy davlat universitetida talabalarning bo‘sh vaqtlarini mazmunli tashkil etish, turli tanlov, tadbirlar orqali yangi-yangi qobiliyatlarni kashf qilish hamda ular uchun munosib shart-sharoitlar yaratish an’anaga aylangan.
Ayni shu maqsadda, “Talabalar haftaligi-2024” loyihasi doirasida 1-sonli talabalar turar joyida “shashlik day” pazandalik tanlovi hamda konsert dasturi tashkil etildi.
Unda 11 ta fakultetdan talaba oshpazlar six kabobning turli ko‘rinishlarini tayyorlashdi hamda hakamlar tomonidan baholanib, eng mazzalisi aniqlandi.
Bunday tadbirlarni o‘tkazishdan ko‘zlangan asosiy maqsad, talabalar o‘rtasida do‘stona munosabatlarni yo‘lga qo‘yish, bir-birlariga bo‘lgan hurmatni oshirish, yangi iqtidorlarni kashf etishdan iborat.
Ishtirokchilar haftalik yakunida tantanali taqdirlanadilar.
