Aziz yurtimizga fasllar kelinchagi – bahor kirib keldi. Ona zamin uyg‘onmoqda, barchamiz intizor bo‘lib kutayotgan Navro‘z bayrami – yasharish va yashnash fasli kirib kelmoqda. Shu munosabat bilan Navoiy davlat pedagogika institutining Sanʼatshunoslik fakulteti hamda 2-sonli talabalar turar joyida Navroʻz ayyomi munosabati bilan bayram tadbiri va sumalak sayli boʻlib oʻtdi.
Unda institutimiz rektori Bahodir Sobirov ishtirok etib, talabalar va professor-oʻqituvchilarni muborak Ramazon oyi va kirib kelayotgan Navroʻz ayyomi bilan muborakbod etdi. Tadbirda professor-oʻqituvchilarning kuy-qoʻshiqlari yigʻilganlarni raqslarga chorladi.
