“Tabiatshunoslik” fakulteti Navoiy davlat pedagogika instituti ilmiy kengashining 2001 yil 28 iyuldagi 12 sonli qarori asosida tashkil etilgan. 2015 yilda “Tabiatshunoslik” fakulteti nomi “Tabiiy fanlar” fakultetiga o`zgartirilgan.
Tabiiy fanlar fakultetida faoliyat olib borayotgan professor-o`qituvchilar soni 64 nafar, shundan
- To`liq shtatda 57 nafar
- O`rindoshlik asosida (ichki) 7 nafar
Talabalarning umumiy soni 1216 nafar, shundan davlat grantida 304 nafar, shartnoma asosida 912 nafar, kechki 54 nafar talaba tahsil oladi. O`quv mashg`ulotlarida o`zbek, rus va qozoq tillarida olib boriladi.
Fakultet tarkibidagi kafedralar:
- Kimyo o`qitish metodikasi kafedrasi
- Biologiya o`qitish metodikasi kafedrasi
- Geografiya o`qitish metodikasi kafedrasi
Fakultet tarkibidagi kafedralar ilmiy salohiyati:
- Kimyo o`qitish metodikasi kafedrasida 19 nafar professor-o`qituvchi faoliyat olib boradi. Shundan 2 nafari professor, 2 nafari k.f.n. dotsent, 3 nafari RhD, ilmiy saloxiyat 36,8 %.
- Biologiya o`qitish metodikasi kafedrasida 31nafar professor-o`qituvchi faoliyat olib boradi. Shundan 5 nafari b.f.n. dotsent, 3 nafari b.f.n., 1 nafari RhD, ilmiy saloxiyat 29,0 %.
- Geografiya o`qitish metodikasi kafedrasida 14 nafar professor-o`qituvchi faoliyat olib boradi. Shundan 2 nafar g.f.n. dotsent, 1 nafar g.f.n., 1 nafar RhD, ilmiy saloxiyat 28,6 %. Fakultet ilmiy salohiyati 31,25 %
Fakultet tarkibidagi ta’lim yo`nalishlari:
- 5110300 Kimyo o`qitish metodikasi ta’lim yo`nalishi
- 5110400 Biologiya o`qitish metodikasi ta’lim yo`nalishi
- 5110500 Geografiya o`qitish metodikasi ta’lim yo`nalishi
OTM va korxonalar bilan aloqasi:
Moskva davlat Universiteti, O`zbekiston Respublikasi Fanlar Akademiyasi, O`zbekiston Respublikasi Fanlar Akademiyasi umumiy va noorganik kimyo instituti, Mirzo Ulug`bek nomidagi O`zbekiston Milliy Universiteti, Nizomiy davlat pedagogika Universiteti, SamDU, NavDKI, NDPI, JizDPI, Navoiy viloyat Ekologiya va tabiatni muhofaza qilish boshqarmasi, Navoiy viloyat gidrometeorologiya markazi, Karmana tumanidagi MChJ “Bentonite”, ”NAVOIYAZOT”OAJ.
Fakultetda ma’naviy-ma’rifiy ishlar rejasi mavjud bo‘lib, institut yoshlar bilan ishlash ishlari bo‘yicha prorektor tomonidan tasdiqlangan shu asosida o‘qituvchi-murabbiylar haftaning har juma kunlari “Axborot” soatini namunali tashkil etilgan va guruh jurnallariga murabbiylar tomonidan qayd qilingan. Bundan tashqari, ko‘plab tadbirlar tashkil qilingan. Jumladan, Mustaqillik kuniga, O‘qituvchi va murabbiylar kuniga, O‘zbekiston Respublikasi Konstitutsiyasi kuniga, Ota-onalar yig‘ilishi, Ichki ishlar xodimlari bilan hamkorlikda “Diniy ekstremizm va terrorizm-yoshlar kelajagiga taxdid”, tibbiyot xodimlari bilan hamkorlikda “Giyohvand vositalarining yoshlar tarbiyasiga salbiy ta’siri”, “Grippdan ehtiyot bo‘ling” mavzusida, “Quvnoqlar va zukkolar”, sport tadbirlari va boshqa bir qator tadbirlar tashkil etilgan va fakultet talaba va professor-o‘qituvchilari faol ishtirok etishgan. Hozirda fakultetda 1064 nafar talaba taxsil oladi, shulardan 162 nafari talabalar yotoqxonasida yashaydi, 511 nafari ijarada yashaydi, 391 nafari o‘z uyida istiqomat qiladi. Institut ma’muriyati tomonidan belgilangan reja asosida talabalar yotoqxonasida va o‘quv binosida kecha-kunduz navbatchiliklar tashkil qilingan.
Ijarada yashayotgan talabalar ahvolidan doimiy ravishda xabardor bo‘lib turiladi, ijara manzillari, albomlar tayyorlanib, institut “Ma’naviyat va ma’rifat” bo‘limiga taqdim qilingan.
Respublika oliy ta’lim muassasalari professor-o‘qituvchilari o‘rtasida 2019-2020 o‘quv yilida o‘tkazilgan “Do‘stlik spartakiadasi” ning “Voleybol” sport turidan respublika final bosqichi g‘olibi sifatida 1-darajali diplom hamda qimmatbaho sovrin bilan taqdirlandi.
