Close
Fakultet binosining umumiy sig‘imi 450 o‘rinli, o‘quv mashg‘ulotlari 2 smenada tashkil etilgan. O‘quv-auditoriyalar soni 10 ta. Fakultetda o‘quv jarayonini hozirgi zamon talablari doirasida tashkil etishda o‘quv auditoriyalari va o‘qitishning texnik vositalari etarlicha. Shuningdek, professor-o‘qituvchilar tomonidan fanlar kesimida O‘quv uslubiy majmualar, qo‘shimcha ravishda ko‘rgazmali vositalar, didaktik materiallar, videoroliklar yaratilgan. Jumladan, 20 ga yaqin kompyuter, (1 ta kompyuter sinfi), 3 ta videoproektor, 2 ta elektron doska mavjud.
Namunaviy o‘quv reja va namunaviy fan dasturlari asosida ta’lim yo‘nalishlari uchun adabiyotlar mavjud. Jumladan, 2019-yilda O‘zbek tilshunosligi kafedrasi professori N.Murodova, dots. R.Yusubovalar tomonidan 3ta darslik yaratilgan. Fakultetning 2023-yilda bitiruvchi kurs talabalari 313 nafarni tashkil qilib, ularning 287 nafari bakalavr, 26 nafari esa magistrlardir.
1. Z.Jumaev, G.Boltayeva, H.Suyunov, B.Ashurovlar doktorlik dissertatsiyasi (DSc) mavzulari OAK byulletenida e’lon qilingan va ilmiy izlanishlar olib bormoqdalar.
2. 2023-yilda F.Yuldoshev filologiya fanlari doktori dissertatsiyasini muvaffaqiyatli himoya qildi.
Qolgan professor-o‘qituvchilar ham ilmiy izlanishlarini olib bormoqdalar. Maqola va tezislar chop etmoqdalar.
Fakultet kafedralarida oxirgi 3 yilda jami 60 ta maqola OAK e’tirof etgan mahalliy va xorijiy jurnallarda chop etilgan.
Ma’naviy-ma’rifiy ishlarni o‘rganish bo‘yicha fakultetda ma’naviy-ma’rifiy ishlar rejasi mavjud bo‘lib, institut yoshlar bilan ishlash ishlari bo‘yicha prorektor tomonidan tasdiqlangan shu asosida o‘qituvchi-murabbiylar haftaning har juma kunlari “Axborot va murabbiylik soati”ni namunali tashkil etilgan va guruh jurnallariga murabbiylar tomonidan qayd qilingan. Bundan tashqari, ko‘plab tadbirlar tashkil qilingan. Jumladan, Mustaqillik kuniga, O‘qituvchi va murabbiylar kuniga, O‘zbekiston Respublikasi Konstitutsiyasi kuniga, Ota-onalar yig‘ilishi, Ichki ishlar xodimlari bilan hamkorlikda “Diniy ekstremizm va terrorizm-yoshlar kelajagiga taxdid”, tibbiyot xodimlari bilan hamkorlikda “Giyohvand vositalarining yoshlar tarbiyasiga salbiy ta’siri”, “Grippdan ehtiyot bo‘ling” mavzusida, “Quvnoqlar va zukkolar”, sport tadbirlari va boshqa bir qator tadbirlar tashkil etilgan va fakultet talaba va professor-o‘qituvchilari ham unda faol ishtirok etishgan. Hozirda fakultetda 1584 nafar talaba tahsil oladi, shulardan 63 nafari talabalar yotoqxonasida yashaydi, 665 nafari ijarada yashaydi, 856 nafari o‘z uyida istiqomat qiladi. Institut ma’muriyati tomonidan belgilangan reja asosida talabalar yotoqxonasida va o‘quv binosida kecha-kunduz navbatchiliklar tashkil qilingan.
Ijarada yashayotgan talabalar ahvolidan doimiy ravishda xabardor bo‘lib turiladi, ijara manzillari, albomlar tayyorlanib, institut “Ma’naviyat va ma’rifat” bo‘limiga taqdim qilingan.
O’zbek tili va adabiyoti fakultetida jami 84 nafar iqtidorli talaba bo’lib, ularning barchasi kaferda professor o’qituvchilari bilan hamkorlikda ilmiy tadqiqot ishlarini olib bormoqdalar. Iqtidorli talabalardan Muslixiddinova Raxshona, Raxmonova Umeda, Qurbonov Davronlar nomdor stependiya sohiblaridir.
