Close
Fakultet binosining umumiy sig‘imi 733 o‘rinli, o‘quv mashg‘ulotlari 3 smenada tashkil etilgan. O‘quv-auditoriyalar soni 16 ta. Fakultetda o‘quv jarayonini hozirgi zamon talablari doirasida tashkil etishda o‘quv auditoriyalari va o‘qitishning texnik vositalari yetarlicha. Shuningdek, professor-o‘qituvchilar tomonidan fanlar kesimida resurslar hemis tizimida joylashtirilgan. Qo‘shimcha ravishda ko‘rgazmali vositalar, didaktik materiallar, videoroliklar yaratilgan. Jumladan, 100 ga yaqin kompyuter, va 20 noutbuk (5 ta kompyuter sinfi), 6 ta videoproektor, 3 ta elektron doska mavjud.
Fakultetning 2025 yilda bitiruvchi kurs magistr 42 nafar, bakalavr kunduzgi 206 nafar, bakalavr sirtqi 291 nafar bakalavr kechki 32 nafar bo‘lib, shundan 47 nafar talabalar bitiruv malakaviy ishi bajarishlari rejalashtirilgan. Hozirgi kunda talabalar BMI uchun amaliy ishlarini bajarmoqda. Pedagogik amaliyotda bitiruv malakaviy ishlarini tugatib, tajriba sinov ishlarini amalga oshirishda davom etmoqdalar.
“Informatika” kafedrasiga oxirgi 3 yilda A.O.Norbekov, L.S.Isroilova, D.R.Ruziyeva, D.N.Xamroyeva, F.J.Toxirov falsafa doktori (PhD) dissertatsiyasini va U.M.Mirsanov esa fan doktori dissertatsiyasini himoya qilgan. 2023-yilda Sh.N.Nasirova professorlik ilmiy unvonini oldi. M.Xoliqov, T.T.Ma’murov, Z.N.Xolmurodova va A.A.Jo‘rayevalar tayanch doktoranturaga qabul qilinganlar.
Qolgan professor-o‘qituvchilar ham ilmiy izlanishlarini olib borib, maqola va tezislar chop etmoqdalar.
Kafedrada oxirgi 3 yilda jami 70 ta maqola OAK e’tirof etgan mahalliy va xorijiy jurnallarda chop etilgan. Shuningdek, O‘zbekiston Respublikasi Adliya vazirligi qoshidagi Intellektual mulk agentligidan 60 ta EHM uchun dasturiy mahsulot guvohnomalari rasmiy ro‘yxatdan o‘tkazilgan hamda 10 ta darslik va 15 ta o‘quv qo‘llanma chop etilgan.
Shu bilan bir qatorda kafedra qoshida O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiya ro‘yxatiga kiruvchi “Elektron ta’lim” (ej.nspi.uz) ilmiy-uslubiy onlayn jurnal faoliyat olib bormoqda.
“Matematika” kafedrasiga oxirgi 3 yilda S.X.Xolikov, G.S.Sayfulloyeva, D.R.Mansurov falsafa doktori (PhD) dissertatsiyasini himoya qilgan.
A.A.Axmatov, S.Rustamov, M.D.Farmonovalar tayanch doktoranturaga qabul qilinganlar.
Kafedra o‘qituvchilaridan Oltiyev A.B. (2023), Gaffarova D.Sh. (2024)lar stajor-tadqiqotchi sifatida ilmiy izlanishlarini olib bordilar.
Qolgan professor-o‘qituvchilar ham ilmiy-tadqiqot ishlarini olib borish maqsadida bir qator respublika va xalqaro jurnallarda maqola va tezislar chop etmoqdalar.
Kafedrada oxirgi 3 yilda jami 70 dan ortiq maqola va tezislar nufuzli mahalliy va xorijiy jurnallarda chop etilgan. Shuningdek, O‘zbekiston Respublikasi Adliya vazirligi qoshidagi Intellektual mulk agentligidan 50 ta EHM uchun dasturiy mahsulot guvohnomalari rasmiy ro‘yxatdan o‘tkazilgan hamda 3 ta monografiya va 6 ta o‘quv qo‘llanma chop etilgan.
Ma’naviy-ma’rifiy ishlarni o‘rganish bo‘yicha fakultet ma’naviy-ma’rifiy ishlar rejasi mavjud bo‘lib, institut yoshlar bilan ishlash ishlari bo‘yicha prorektor tomonidan tasdiqlangan shu asosida tyutorlar haftaning har juma kunlari “Axborot va murabbiylik soati”ni namunali tashkil etilgan va guruh jurnallariga murabbiylar tomonidan qayd qilingan. Bundan tashqari, ko‘plab tadbirlar tashkil qilingan. Jumladan, Mustaqillik kuniga, O‘qituvchi va murabbiylar kuniga, O‘zbekiston Respublikasi Konstitutsiyasi kuniga, Ota-onalar yig‘ilishi, Ichki ishlar xodimlari bilan hamkorlikda “Axborot xurujlari-yoshlar kelajagiga tahdid”, axborot texnologiylari xodimlari bilan hamkorlikda “Bir million dasturchi” mavzusida davra suhbatlari, “Quvnoqlar va zukkolar”, sport tadbirlari va boshqa bir qator tadbirlar tashkil etilgan va kafedra talaba va professor-o‘qituvchilari ham unda faol ishtirok etishgan.
| № | Talabaning F.I.SH | Olimpiada yoki tanlov nomi | Nechanchi yilda | Ilmiy rahbar |
| 1 | Ro‘ziqulova Shahnoza | O’zbekiston Respublikasi Prezidenti stipendiyasi sovrindori | 2022 yil | dots.D.N.Ashurova |
| 2 | Ravshanova Gulhayo | “Kelajak bunyodkori” medali sohibi,
“Islohotlar bilimdoni – 2024” Respublika ko‘rik-tanlovining g‘olibi |
2023yil
2024 yil
|
p.f.d. (DSc). U.M.Mirsanov |
| 3 | O‘ktamova Ruxsora | “Navoiy” nomli davlat stipensiyasi sovrindori | 2023 yili | PhD F.J.Toxirov |
| 4 | Xo‘jamova Dilnoza | “Navoiy” nomli davlat stipensiyasi sovrindori | 2023 yili | dots.S.X.Abjalilov |
| 5 | Jumaqulov Kamron | “Navoiy” nomli davlat stipensiyasi sovrindori | 2023 yili | dots.v.b.S.S.Kuchkarova |
| 6 | Isroilov Nurshohruh | “O‘zbek jang san’ati” bo‘yicha sport ustasi
“O‘zbek jang san’ati” bo‘yicha O‘zbekiston chempioni
“O‘zbek jang san’ati” bo‘yicha Osiyo chempioni
“O‘zbek jang san’ati” bo‘yicha qora belbog‘ sohibi |
2023-yil
2023- 2024-yil
2023- 2024-yil
2024-yil |
p.f.d. (DSc). U.M.Mirsanov |
