Qaryib 60 yillik mehnat faoliyatini taʼlimga bagʻishlagan faxriy pedagog, koʻp yillar yoshlarga oʻzining bilim va koʻnikmalarini ulashgan, oʻquvchi va talaba-yoshlarga taʼlim-tarbiya bergan ustoz, NavDPI Pedagogika va psixologiya kafedrasi dotsenti Hikmatullo Bobomirzayev muborak 80 yoshni qarshiladilar.
NavDPIda ustoz tavalludiga bagʻishlab maʼnaviy-badiiy kecha oʻtkazildi. Tadbir avvalida institut rektori Bahodir Sobirovning tabrigini birinchi prorektor X.Qurbonov o‘qib eshittirdi. Shu bilan birga domlaning hayoti va faoliyatini hamkasblari samimiy fikrlar bilan yod etib, oʻzlarining sovgʻalarini armug’on etdilar.
Bir guruh mehmonlar ham oʻzlarining iliq fikrlari bilan oʻrtoqlashib, H.Bobomirzayevni 80 yoshli yubileyi bilan muborakbod etishdi.
Shuningdek, shogirdlari va oila aʼzolarining samimiy tilaklari hamda diltortar kuy-qo‘shiqlar ushbu tadbirga yanada ko‘proq fayz kiritdi.
