Ayni kunlarda yurtimizdagi oliy ta’lim muassasalarida kasbiy (ijodiy) imtihon jarayonlari boshlanish arafasida. Navoiy davlat pedagogika institutida ham ijodiy imtihonlar munosabati bilan puxta tayyorgarlik ishlari amalga oshirilmoqda.
Institutning kasbiy (ijodiy) imtihon topshiradigan 13 ta taʼlim yoʻnalishlariga 1242 nafar abituriyent roʻyxatdan oʻtgan. Jumladan, musiqa taʼlimi, vokal sanʼati, cholgʻu ijrochiligi, tasviriy sanʼat va muhandislik grafikasi, rang tasvir, dizayn, maxsus pedagogika (surdotarjimonlik), yengil atletika, kurash, dzyudo, voleybol, basketbol, gandbol, futbol taʼlim yoʻnalishlari uchun barcha kerakli xonalar, sport zallari va moddiy texnik bazalar tayyor holatga keltirilgan.
Shuningdek, xolislik va shaffoflikni ta’minlash maqsadida har bir imtihon o‘tkazish joyi kuzatuv kameralari bilan to‘liq jihozlangan. Shuningdek, ota-onalar, keng jamoatchilik vakillari uchun imtihon topshirish jarayonini onlayn kuzatish imkoniyati yaratildi.
Kasbiy (ijodiy) imtihonlar 5-iyuldan 10 iyulga qadar bo‘lib o‘tadi.
