Buyuk shoir va mutafakkir, atoqli davlat va jamoat arbobi Alisher Navoiyning bebaho ijodiy-ilmiy merosi nafaqat xalqimiz, balki jahon adabiyoti tarixida, milliy madaniyatimiz va adabiy-estetik tafakkurimiz rivojida alohida o‘rin tutadi. Ulug‘ shoir o‘zining she’riy va nasriy asarlarida yuksak umuminsoniy g‘oyalarni, ona tilimizning beqiyos so‘z boyligi va cheksiz ifoda imkoniyatlarini butun jozibasi va latofati bilan namoyon etib, yer yuzidagi millionlab kitobxonlar qalbidan munosib va mustahkam o‘rin egalladi.
Alisher Navoiy tavalludining 585 yilligi hamda 2025-yil Navoiy viloyatida – “Alisher Navoiy yili” munosabati bilan o‘tkaziladigan insholar tanlovida ishtirok eting va g‘oliblikni qo‘lga kiriting.
Tanlovda “Navoiyni anglash”, “Navoiy asarlarida komillik tushunchasi”, “Xamsa”, “Buyuk beshlik hayratlari”, “Navoiy va bugun”, “Alisher Navoiy ijodida yoshlar obrazi”, “Navoiy ijodining umumbashariyat ma’naviy-ma’rifiy rivojidagi o‘rni”, “Navoiy asarlarining badiiy xususiyatlari” mavzularidan biri erkin tanlanadi.
Tanlov 2024-yil, 27-noyabr kuni soat 11-00 da Maktabgacha va boshlang’ich ta’lim fakultetining 202-xonasida o‘tkaziladi.
