Maktabgacha va boshlang’ich ta’lim fakultetida yangi yil bayrami

 Fakultet talabalari tomonidan tayyorlangan bayram shousida zamonaviy raqslar, kuy-qo‘shiqlar va diltortar navolar ijro etilib, bayramona sahna ko‘rinishlari namoyish qilindi. Ayniqsa, shou-tadbirda Qorbobo, Ayiq polvon, Tulkivoy, Bo’ri, Quyoncha va Yalmog’iz kampir singari ertak qahramonlarining hazil-mutoyibaga boy chiqishlari barchaga birdek manzur bo’lib, bayramona kayfiyat ulashdi. Shuningdek, tadbir davomida qiziqarli harakatli o’yinlar talabalarga ko’tarinki ruh bag’ishlash bilan bir qatorda, qalblarda yangi yil shukuhi kayfiyatini uyg’otdi.