Talaba-qizlarning bo’sh vaqtlarini mazmunli tashkil etish, ularning ma’naviyatini yuksaltirish, ular orasida sog‘lom turmush tarzini keng targ‘ib qilish, milliy qadriyatlarimizga tayangan holda tarbiyalash, turli sohalarda iqtidorlarini namoyon etish maqsadida hamda «17-noyabr Xalqaro talabalar kuni» munosabati bilan Navoiy davlat universitetining 2-sonli talabalar turar joyida istiqomat qiluvchi talabalar ishtirokida “Balli qizlar!” ko‘rik-tanlovi o‘tkazildi.
Maktabgacha va boshlang’ich ta’lim fakulteti tomonidan tashkil etilgan ushbu tanlovda fakultetning 6 nafar iste’dodli va zukko talaba-qizlari ishtirok etishdi. Ko’rik-tanlovda NavDU Xotin-qizlar masalalari bo’yicha rektor maslahatchisi N. Tursunova, fakulteti dekani G. Shamsidinova, fakultet Xotin-qizlar masalalari bo’yicha dekan maslahatchisi Sh. Alimova, professor-o‘qituvchilar, tyutorlar hamda talabalar qatnashishdi.
Bellashuv 4 shart – tanishtiruv, mantiqiy savol-javoblar, pazandalik mahorati hamda erkin mavzuda ijodiy chiqish kabi shartlardan iborat bo‘ldi. Qizlarning aql-zakovati, pazandalik mahorati hamda ijodiy qobiliyatlari sinovdan o‘tkazilgan ushbu tanlov tomoshabinlarda katta qiziqish uyg‘otdi. Har bir shartga yuqori tayyorgarlik va e’tibor bilan yondashgan qizlar tanlov davomida chaqqon va zukko ekanliklarini namoyish etib, tomoshabinlar va ustozlarining e’tirofiga sazovor bo‘ishdi. Tanlov yakunida ishtirokchilar esdalik sovg‘alari bilan taqdirlandi.
