Navoiy davlat universiteti Ingliz tili va adabiyoti fakulteti 1-bosqich talabalarining ota-onalari bilan uchrashuv o‘tkazildi.
Yig’ilishda fakultet dekani Q.D.Toʻxtayeva, yoshlar masalalari va ma’naviy-ma’rifiy ishlar boʻyicha dekan oʻrinbosari F.R.Muxidov, Xotin-qizlar masalalari boʻyicha dekan maslahatchisi X.Hasanova,Ingliz tili amaliy kursi kafedrasi mudiri D.J.Gʻofurovalar tomonidan ta’lim tizimiga oid qonunlar, buyruqlar borasida ma’lumot berib o‘tildi.
Ota-onalar oʻzlarini qiziqtirgan savollarga javoblar olishib, oʻz taklif, mulohazalarini bildirishdi.
Yig’ilish soʻnggida, bir qancha tanlov va musobaqalarda qatnashib, faxrli oʻrinni egallagan hamda oʻz namunali xulqi, odobi, darslarda faol ishtiroki bilan koʻzga koʻringan talabalarning ota-onalariga tashakkur bildirildi.
