Oliy ta’lim muassasasi bilan hamkorlikda ishlagan, ularning qanday va nima bilan “nafas olayotganini” anglagan maktab pedagoglari ham o‘quvchilarga bilim berish jarayonida ushbu omillarni, albatta, inobatga oladi. O‘quvchi-yoshlarda esa maktabdalik paytidayoq oliy ta’lim haqida muayyan tasavvur paydo bo‘ladi, qiziqish uyg‘onadi, o‘z kelajagini yanada yorqinroq tasavvur eta boshlaydi. NavDU “Fizika-texnologiya” fakulteti, Navoiy viloyatidagi bir qator umumiy o‘rta ta’lim muassasalariga doimiy ravishda metodik yordam ko‘rsatib kelmoqda. “Fizika va astronomiya” kafedrasi professor-o’qituvchilari Karmana tumanidagi 25-umumiy o’rta ta’lim maktabida bo’lib, maktabning “Fizika“va “Astronomiya” fani o’qituvchilariga metodik yordam ko’rsatishdi va hamkorlikdagi dars jarayonlarini tashkil etishdi.
