Xabaringiz bor, Navoiy viloyatida oliy ta’lim muassasalari talabalari (qizlar) o‘rtasida gandbol bo‘yicha “Universiada-2024” sport musobaqalarining final bellashuvlari bo‘lib o‘tdi.
Unda respublikamizning barcha hududlaridan 182 nafar sportchilar g’oliblik uchun maydonga tushib, o‘zaro kuch sinashdilar.
Bugun Navoiy shahridagi “Kimyogar” o‘yingohida qo‘l to‘pi bo‘yicha “Universiada-2024” respublika final bosqichi yakuniga yetdi.
Natijalarga koʻra, faxrli 1-oʻrinni Urganch davlat pedagogika instituti (Xorazm viloyati), 2-oʻrinni Navoiy davlat universiteti (Navoiy viloyati) hamda kuchli 3 likdan Namangan davlat universiteti (Namangan viloyati) o‘rin egalladi.
Gʻoliblar diplom hamda qimmatbaho sovgʻalar bilan taqdirlandi.
