NavDU “Fizika-texnologiya” va “Matematika-informatika” fakultetlarida erta tongdan yurtimiz madhiyasi yangraganda ustoz murabbiy va yoshlarimizning ko‘zlaridagi yolqinlangan uchqunlar hamda hilpirayotgan bayrog‘imiz gavdalandi. Mustaqqilligimiz timsoli mamlakat Prezidentining xalqaro siyosat maydonlariga tashrifi vaqtidagi yangragan Vatan timsoli bayroqimizning hilpirashi, barchaning nigohida iftixor tuyg‘ularini cho‘lg‘ab to‘lqinlantirib yubordi. Madhiyamiz yangraganda… o‘ttiz uch yil ichida bosib o‘tgan yo‘l, bosqichma-bosqich amalga oshirilgan taraqiyot yo‘li, o‘zbek modeli, harakat xaritalari yangi O‘zbekiston– yangi iqtisodiyot ko‘z oldimizdan bir-bir o‘tdi. Madhiyamiz yangraganda yoshlarimiz nigohlarida ertangi kunga ishonch tuyg‘usi kuchaydi, u qalblarga quvonch, vujudlarga hayrat, ruhiyatga shijoat baxsh etdi.
