Kitob — insonning eng yaqin do‘sti va maslahatchisi, aql qayrog‘i va bilim manbaidir. Kitob fikrlash quroli, xazinalar kaliti, tafakkur manbai bo‘lgani uchun ham xalqimiz uni nonday aziz, mo‘tabar va muqaddas deb hisoblagan. Shuning uchun kitobga muhabbat, uni qadrlash, o‘qishga ishtiyoq xalqimizning qon-qoniga singib ketgan.Kishining madaniyati uning kitobida aks etadi.
Navoiy davlat universiteti Matematika-informatika fakultetida tahsil oluvchi talabalarning bo‘sh vaqtini mazmunli tashkil etish, shuningdek,ular o’rtasida kitobxonlikni keng targ’ib qilish maqsadida 3-sonli talabalar turar joyida O‘zbek yozuvchisi Pirimqul Qodirovning qalamiga mansub «YULDUZLI TUNLAR» asari asosida guruhlar o’rtasida kitobxonlik tanlovi tashkil etildi.Unda «Renessans», Taraqqiyot», «Yosh kitobxon» va «Bilimdonlar» jamoalari faol ishtirok etdilar. Tadbir so‘ngida g‘olib bo‘lgan eng faol jamoalar estalik uchun sovg‘alar bilan taqdirlandilar.
