21-noyabr kuni Poytaxtimizda Prezidenti Administratsiyasi huzuridagi Narkotiklarni nazorat qilish milliy markazi, Ichki ishlar vazirligi Huquqbuzarliklar profilaktikasi xizmati hamda Oliy ta’lim, fan va innovatsiyalar vazirligi hamkorligida oliy ta’lim muassasalariga biriktirilgan profilaktika (katta) inspektorlari hamda “Qalqon” jamoasi a’zolari uchun uch kunlik o‘quv-amaliy seminar o‘z ishini boshladi.
Tadbir orqali ishtirokchilarning kelgusida talaba-yoshlar uchun giyohvandlik bilan bog‘liq yangi tahdidlarning oldini olish, barcha hamkor tashkilotlar bilan birga tizimli profilaktik tadbirlarni o‘tkazish choralarini ko‘rish bo‘yicha malakalarini oshirish, ular bilan tajriba almashish hamda zarur tavsiya va ma’lumotlarni ulashish maqsad qilingan. Navoiy davlat universiteti tyutorlari va “Qalqon” jamoatchilik guruhi vakillari ham ushbu seminarda faol ishtirok etmoqdalar.
