Navoiy davlat universiteti faollar zalida atoqli shoir, dramaturg va tarjimon Usmon Nosir tavalludining 112 yilligiga bag’ishlab “Yoril, chaqmoqqa aylan sen…” nomli tadbir o‘tkazildi. Ushbu tadbir talabalarning Usmon Nosir hayoti va ijodi bo‘yicha olgan bilimlarini yanada mustahkamlashga qaratildi. 3 ta shart (1-o’zini tanishtirish, 2- tezkor savol-javob , 3-sahnaviy chiqish) asosida qurilgan bilimlar bellashuvi qizg’in bahslar asosida kechdi, hakamlar hay’ati tomonidan munosib baholab borildi. Shuningdek, Usmon Nosir hayoti va ijodi bo‘yicha fakultet dekani, kafedra mudirlarining ham fikr-mulohazalari tinglandi.
