Ma’rifat ulashish va bilim tarqatish – jamiyat taraqqiyoti va rivojlanishi uchun muhimdir. Bu jarayon ilm-fan, ta’lim, madaniyat va texnologiyalar orqali turli toifadagi odamlarga bilim berishni o‘z ichiga oladi. Ma’rifatli jamiyatning asosiy belgilaridan biri bu – ta’limga katta e’tibor qaratishidir. Ilm-fan va ta’lim aholining ma’naviyatini yuksaltirishda muhim o‘rin tutadi. Ma’rifat ulashishda madaniyat va an’analarning o‘rni ham katta. Milliy va umuminsoniy qadriyatlarni yoshlarga o‘rgatish ma’rifatli jamiyatning asosiy vazifalaridan biridir.
Ma’rifat ulashish uchun Navoiy davlat pedagogika instituti Matematika-informatika fakulteti tomonidan va boshqa fakultetlar hamkorligida Navbahor tumani Sarbozor mahallasi aholisiga 250 dan ortiq badiiy adabiyot va she’riy to‘plamlar ulashildi. Kitob barcha bilimlar kalitidir. Kitoblar orqali bilim tarqatish ma’rifatli jamiyatning ajralmas qismi hisoblanadi. O‘quv madaniyatini rivojlantirish, kitobxonlikni qo‘llab-quvvatlash ham muhim ahamiyatga ega. Sovg‘a sifatida kitob berish — odamlar orasida ma’rifatni kengaytirishning yana bir oddiy va samarali usulidir. Jamiyatning barcha bo‘g‘inlariga kitob ulashish, ularning bilimlarini oshirishga yordam beradi.
