Ma’lumki, davlatimiz rahbari yoshlar orasida ijtimoiy, ma’naviy-ma’rifiy sohalardagi ishlarni yangi tizim asosida yo‘lga qo‘yish bo‘yicha 5 ta muhim tashabbusni ilgari surgan edi. Shulardan ikkinchi tashabbus – yoshlarni jismoniy chiniqtirish, ularning sport sohasida qobiliyatini namoyon qilishlari uchun zarur sharoitlar yaratishga yo‘naltirilgan bo‘lib, bu borada yurtimizda qator ishlar amalga oshirilmoqda. NavDPI yoshlarining sevimli loyihasi – “Besh tashabbus olimpiadasi”ning 2024-yilgi bahslari qizg‘in bellashuvlar bilan davom etmoqda.
Bugungi kunda “Besh tashabbus olimpiadasi” orqali yoshlarning bo‘sh vaqtini mazmunli tashkil etish, iste’dodli yoshlarni qo‘llab-quvvatlash bo‘yicha zarur choralar ko‘rilmoqda. Voleybol bo‘yicha o‘tkazilayotgan musobaqalarda “Fizika-texnologiya” fakulteti yoshlari ham munosib tarzda ishtiroklarini davom ettirmoqdalar.
