Til va nutq masalasi qadimdan millat ma’naviyati va madaniyati takomilining bosh omillaridan biri bo‘lib kelgan. Til-millatning ruhi, til o‘lsa, millat ham tamom bo‘ladi. Shunday bir buyuk ehtirom va e’zozga sazovor bo‘lgan tillarning kechmishi bir xil emas, albatta. Bugun Ona tilimizning qadri, qimmati tiklangan, maqomiga yarasha darajaga ega bo‘lgan kun. Tilimizning bugunga qadar omon-eson kelishining asosiy boisi xalqimizning o‘z ona tilini jonidan sevishi, ardoqlashidadir. NavDPI “Fizika-texnologiya” fakulteti talabalari ishtirokida “Ona tilimizni har qancha ardoqlasak, ulug‘lasak arziydi” mavzusida badiiy kecha o‘tkazildi. Tadbirda yoshlar tomonidan ona tilimizni madh etuvchi she’rlar va kuy-qo‘shiqlar ijro etildi.
