Vatan ozodligi, hurligi uchun jonini fido qilgan ulug‘ ajdodlarimizni xotirlash, ular haqidagi noyob manbalar bilan tanishish har bir yurtdoshimiz, ayniqsa, yoshlarimiz uchun juda muhimdir. NavDPI “Qatag‘on qurbonlari” muzeyi yoshlarning vatanparvar, o‘z millatiga bo‘lgan hurmat, ma’rifatparvar ajdodlari haqida faxr va iftixor tuyg‘usini shakllanishida hamda ular kabi el-yurti uchun munosib farzandlar bo‘lib tarbiyalanishida muhim o‘rin egallaydi… “Fizika-texnologiya” fakulteti kechki ta’lim, birinchi bosqich talabalari “Qatag‘on qurbonlari” muzeyi eksponatlari bilan tanishish jarayonida 1938-1953 yillarda qatag‘onga uchragan yurtdoshlarimizning ayanchli taqdirlari haqida ko‘plab ma’lumotlarga ega bo‘ldilar.
