Talabalar ligasi sport musobaqasining shaxmat turi bo‘yicha respublika bosqichi g’oliblari aniqlandi. Navoiy shahri mezbonlik qilgan “Talabalar ligasi” sport musobaqalarining shaxmat boʻyicha respublika final bosqichi Navoiy davlat pedagogika instituti Axborot-resurs markazida bo‘lib o‘tdi.
Mamlakatimizning barcha hududlaridan 28 nafar sportchi: 14 nafar qiz va 14 nafar yigitlar ishtirok etgan bahslar 7 turda o‘tkazildi. Yakuniy natijalarga ko‘ra, yigitlar o‘rtasida 1-o‘rinni Kurbanov Abdulaziz (Toshkent shahri), 2-o‘rinni Javohir Shodiyev (Qashqadaryo viloyati) hamda 3-o‘rinni Temurbek Shernazarov (Samarqand viloyati) qo‘lga kiritdi.
Qizlar o‘rtasida;
1-o‘rin — Sitora Saparova (Toshkent shahri);
2-o‘rin — Madina To‘xtayeva (Buxoro viloyati);
3-o‘rin — Selbi Kakishova (Qoraqalpog’iston Respublikasi).
Gʻolib va sovrindorlar Navoiy viloyati hokimligining qimmatbaho sovg’alari bilan taqdirlandi.
