Navoiy davlat pedagogika instituti akademik litseyida umumta’lim maktablari o‘quvchilari va ota-onalari uchun “Ochiq eshiklar kuni” o‘tkazildi. Tadbir ishtirokchilariga akademik litsey faoliyati, ta’lim yo‘nalishlari, fan va sport to‘garaklari haqida batafsil axborot berildi.
Akademik litsey o‘quvchilarining bugungi kungacha erishgan yutuqlari va unda litseyning jonkuyar va fidoyi pedagoglarining salmoqli hissalari borligi alohida e’tirof etildi. Shuningdek, o‘quvchilar dars mashg’ulotlarini kuzatishga muvaffaq bo‘ldilar. Tadbir so‘nggida nazorat sinovlarida yuqori ball olgan maktab o‘quvchilari litsey ma’muriyati tomonidan diplom va pul mukofotlari bilan taqdirlandilar.
