Mirzo Ulug‘bek vorislari tanlovining Respublika bosqichida Navoiy davlat pedagogika instituti talabalari sovrindorlar qatoridan o‘rin egalladi! Isteʼdodli yoshlarni qo‘llab-quvvatlash “Ulug‘bek” jamg‘armasi tomonidan o‘tkazilgan tanlovda Respublikamizning turli hududlaridan kelgan iqtidorli talaba-yoshlar o‘zaro bellashdi.
Keskin kurashlarga boy bo‘lgan mazkur tanlovda institutimizning 8 nafar iqtidorli talabalari munosib qatnashib, 3 nafar quyidagi talabalarimiz g‘olib va sovrindorlar qatoridan joy oldi:
- Oʻzbek tili va adabiyoti fakulteti 2-bosqich talabasi Eʼzoza Islomova (ilmiy rahbar: dots. A.Allaberdiyev);
- Fizika va astronomiya taʼlim yo‘nalishi 3-bosqich talabasi Sarvinoz Hamidova (ilmiy rahbar: prof. D.Kamalova);
- 2-bosqich magistranti Meruyert Omonboyevalar (ilmiy rahbar: prof. I.Kamolov) g‘oliblikni qo‘lga kiritdi.
Sovrindorlar sertifikat, statuetka, 6 mln so‘m pul mukofoti va 1 oy Prezident akademiyasida o‘qish imkoniyatiga ega bo‘ldilar.
