Navoiy shahrida bo‘lib o‘tayotgan «Universiada» musobaqasi doirasida dzyudo bahslarini ochilish marosimi bo‘lib o‘tmoqda. Unda Navoiy viloyati hokimi o’rinbosari Yashin Do’shanov so’zga chiqib, jamoalarga omad tiladi. Ochilish marosimida hokimiyat vakillari, viloyatdagi OTM rektorlari, professor-o’qituvchilari ishtirok etmoqda.
Navoiy shahridagi Yakkakurash turlariga ixtisoslashtirilgan bolalar va o’smirlar sport maktabida «Universiada» sport musobaqalarining dzyudo sporti turi bo’yicha o‘yinlari boshlandi. Musobaqada Respublikamizning oliy ta’lim muassasalari terma jamoa a’zolari o’zaro bellashadilar. Ilk bellashuv Navoiy davlat pedagogika instituti talabasi Marjona Tursunovaning ishonchli g’alabasi bilan boshlandi.
