Navoiy davlat pedagogika instituti talabalaridan xayrli tashabbus

   9 may — «Xotira va qadrlash kuni» munosabati bilan O’zbek tili va adabiyoti fakulteti dekani, talabalari va fakultet tyutorlari Navoiy viloyati ko’rish imkoniyati cheklangan bolalar uchun ixtisoslashtirilgan davlat ta’lim muassasasida xayriya dasturxoni yozishdi. Bundan ko’zlangan maqsad — qalb ko’zlari bilan dunyoni anglaydigan bolalarning qalbiga oz bo’lsada quvonch va baxtni ulashish, ularning o’ksik ko’ngliga shodlik baxsh etishdan iborat edi. Xayriya tadbiri kuy va qo’shiqlarga ulandi, qiziqarli o’yinlar o’quvchilarda katta taassurot qoldirdi.