Islom Karimov nomidagi Respublika xayriya jamoatchilik fondiga O‘zbekiston mustaqilligi asoschisi va birinchi Prezidenti Islom Karimovning xotirasi va hayotda amal qilgan tamoyillarini abadiylashtirish maqsadida asos solingan. Fond 2016 yil oktyabrda Birinchi Prezident xotirasini va uning hayotiy prinsiplarini abadiylashtirish maqsadida Tatyana Karimova va Lola Karimova-Tillyayeva tomonidan ta’sis etilgan.

Islom Karimovning mamlakatdagi yosh avlodni qo‘llab-quvvatlash, chuqur bilim va yuksak ma’naviyat sohibi bo‘lgan yoshlarni tarbiyalashdek xayrli ishlarini davom ettirish hamda O‘zbekistonning boy tarixiy-madaniy merosini asrab-avaylash va mamlakatimiz hamda xorijda keng targ‘ib etish Fondning asosiy maqsadlari sirasiga kiradi. “Islom Karimov nomidagi fond ko‘plab yurtdoshlarimizga salohiyatini ro‘yobga chiqarishda ko‘makchi bo‘lishi, mamlakatimizning jo‘shqin madaniy hayotini yanada jonlantirishi va tarixiy merosimizni asrab-avaylashga hissa qo‘shishiga ishonaman. Men mehribon Allohdan otamning oxiratlarini obod qilishini va boshlagan xayrli ishlarimizda bizga madadkor bo‘lishini so‘rayman”, – degan edi Lola Karimova-Tillyayeva Fond ochilishi munosabati bilan qilgan murojaatida.

Yurtimiz va xorijdagi peshqadam universitetlarda tahsil uchun iqtidorli yoshlarga grantlar ajratish, shu orqali ta’lim dasturlarini qo‘llab-quvvatlash, yurtimiz va xorijda ilmiy-ma’rifiy tadbirlar tashkil etish, ilmiy ishlanmalar uchun grantlar taqdim etish, shuningdek, ko‘makka muhtoj yosh iqtidorlarga ko‘maklashish Fond faoliyatining asosiy yo‘nalishlaridan hisoblanadi.


O‘zbekistonda ta’lim, madaniyat va ilm-fanni yanada taraqqiy ettirish maqsadida Fond oliy o‘quv yurtlari va maktablar o‘qituvchi-murabbiylari malakasini oshirish dasturlarini amalga tatbiq etadi, shuningdek, ilmiy tadqiqotlar uchun grantlar ajratadi.


Fond madaniy-ma’rifiy va ilmiy kitoblarni chop etish, shuningdek, o‘zbek mumtoz va zamonaviy adabiyot vakillari asarlarini xorijiy tillarga o‘girish va nashr qilish uchun grantlar taqdim etadi. Bu bilan O‘zbekistonning boy madaniy merosini asrash va keng targ‘ib etishga ko‘maklashadi. Fond noshirlik faoliyatiga alohida e’tibor qaratib, milliy an’analar, madaniyat, adabiyot va umuman O‘zbekiston xalqi qo‘lga kiritgan yutuqlarga bag‘ishlangan asarlarni chop etishga yordam beradi.


Jamoatchilikka Birinchi Prezident shaxsiyatini yanada keng tanitish maqsadida Islom Karimov asarlarini chop ettiradi, shuningdek, ulug‘ davlat arbobi ma’naviy merosiga bag‘ishlangan asarlar (kitob, maqola, kino va videomahsulotlar) uchun grantlar ajratadi. Bundan tashqari, Fond o‘zbek xalqining betakror madaniy merosi – avloddan avlodga o‘tib kelayotgan hunarmandlikni har jihatdan qo‘llab-quvvatlash dasturini amalga tatbiq etadi. O‘zbekiston zamonaviy tasviriy san’ati maktablari o‘rtasidagi hamkorlikni mustahkamlash va ularni rivojlantirish Fond faoliyatining muhim yo‘nalishlaridandir. Bu borada san’at ustalarining eng yaxshi asarlarini jamlash, yurtimiz va xorijda atoqli va yosh o‘zbek ijodkorlari ko‘rgazmalarini tashkil etish hamda boshqa ma’rifiy tadbirlar o‘tkazish rejalashtirilgan.


Islom Karimov nomidagi fond “Sen yolg‘iz emassan” xayriya tashkiloti bilan hamkorlikda ota-ona g‘amxo‘rligidan mahrum, imkoniyati cheklangan bolalar va yoshlarni har tomonlama qo‘llab-quvvatlash uchun bir qator dasturlarni amalga oshiradi.

Ma'lumot: (http://fondkarimov.uz/uz/about-fund/about-our-fond/)

 

Grandtlar: http://fondkarimov.uz/uz/about-fund/scholarships/

© 2017 Navoiy davlat pedagogika instituti saytidan olingan ma'lumotlarni chop etilganda veb-saytga havola qilish majburiy
Сайт скован и затачивается при помощи Octopus