Navoiy davlat pedagogika institutida yoshlarning boʻsh vaqtlarini samarali tashkil etish maqsadida turli tanlovlar, viktorinalar, sport oʻyinlari, intellektual bahslar hamda maʼnaviy-maʼrifiy tadbirlar oʻtkazib kelinmoqda. Jumladan, institut miqyosida «Zakovat» intellektual oʻyinlari tashkil etildi. Musobaqada 12 ta jamoa ishtirok etib, final bosqichida quyidagi 3 jamoa gʻalaba qozondi:
1-oʻrin — Oʻzbek tili va adabiyoti fakultetining «Iqro» jamoasi;
2-oʻrin — Tabiiy fanlar fakultetining «Status» jamoasi;
3-oʻrin — Ingliz tili va adabiyoti fakultetining «Saturn» jamoasi.
Birinchi oʻrinni olgan jamoa 6 mln soʻm, ikkinchi oʻrinni olgan jamoa 5 mln soʻm, uchinchi oʻrinni olgan jamoa esa 4 mln soʻm miqdorda moddiy ragʻbatlantirildi va diplomlar bilan taqdirlandi.
