Joriy yilning 17-19-dekabr kunlari Navoiy viloyati, Navoiy shahrida 18 yoshlilar va undan kattalar oʻrtasida sportning aralash jang sanʼat turlari boʻyicha Oʻzbekiston chempionati boʻlib oʻtdi. 47,6 kg vazn toifasida tatamiga chiqqan Jismoniy madaniyat fakulteti 1-kurs talabasi Karimova Dilnavoz faxrli 1-oʻrinni egallab, jahon chempionatiga yoʻllanmani qoʻlga kiritdi. Shuningdek, shu fakultetning (sirtqi taʼlim) 2-kurs talabasi Jamilova Mohinur 56 kg vazn toifasida faxrli 3-oʻrinni qoʻlga kiritdi.
Talabalarimizni ushbu gʻalabalar bilan muborakbot etib, jahon chempionatida ham omad yor boʻlishini tilab qolamiz!
